یاری
بویون قوجاقلادیم.یار آغلادی من آغلادیم ییغیشدی
قونشولار بوتون.جار آغلادی من آغلادیم باشیندا
قار قالان داغا.دانیشدیم آیریلیق سؤزون بیر آه
چئکیب باشیندا کی. قار آغلادی من آغلادیم طاریمدا نار
آغاجلاری.منی گؤروب دانیشدیلار بویومو
زیتون اوخشادی. نار آغلادی من آغلادیم ائله کی
باسدی بیر خزان.تالاندی گوللریم منیم خبر
چاتینجا بولبوله. خار آغلادی من آغلادیم اوره ک
سؤزون دئدیم تارا. سیملر اولدو پارا پارا یاواش
یاواش سیزیلدادی. تار آغلادی من آغلادیم دئدیم کی
حق منیمکیدی. باشیمی چئکدیلر دارا طناب
کسنده بوینومو. دار آغلادی من آغلادیم "جعفری"یم
. بویام بالا.غم سینه مده قالا قالا
یار
جانیمی آلا آلا.یار آغلادی من آغلادیم اوستاد جعفری گؤزل زنگان شهریلرین باشیدی لعل و
مرجان تورپاغیدی داشیدی ایران اوزوک زنگان اوزوک باشیدی سلام زنگان سلام آرزیم دیله گیم سن اولماسان قدرت تاپماز بیله گیم گزمه لیدی زنگان چله خاناسی گؤرمه لیدی سلطانیه بناسی آی قهرمان ایگیت لرین آناسی سلام سیزه سلام سیزین ائلیزه سلام گؤزل گؤیچک تورکو دیلیزه گؤزل زنگان سنه اوره ک یانان یوخ دردلریوی درک ائله ییب قانان یوخ آنام یوردو سنی دوغرو سانان یوخ باخانی وار اصفهانین کاشانین یوخ کیمسه سی آنام یوردو زنگانین اؤیرنجی لر گلیب بوردا یاشاللار اؤزلرینی دولدوراللار داشاللار آتی مینیب دولاییدان آشاللار زنگان باخار گوزگوسونه اوزونه یاش چیله نر چیلله خانا دوزونه آچ قوللارین سال بوینوما جان کیمی قوی چالیشیم داماریندا قان کیمی ائل غمینده قلبیم اولوب شان کیمی بیرشاعیرم اوره ک باغلی ائلیمه
چالیشیرام فرهنگیمه دیلیمه (هوشنگ جعفری)
آذربایجان اودلو ائلیم پئیمانه لر دول-ها-دولا (SAVALAN BALASI)
آنا ديلى شيرين اولار Ana dili şirin olar
بيزيم توركو شيرين ديلدير Bizim Türkü şirin dildir
خوش صدالى٬ زنگين ديلدير Xoş sədalı, zəngin dildir
ديل گونشدير٬ ايشيق ساچار Dil günəşdir, ışıq saçar
آزادليغا قاپى آچار Azadlığa qapı açar
يادين ديلى بويوندوروق Yadın dili boyunduruq
بير گئچيددير بوروق بوروق Bir geçiddir buruq buruq
بويوندوروق خالقى بوغار Boyunduruq xalqı boğar
گئچيدلرده قولدور سويار Geçidlərdə quldur soyar
يالتاق شاعير يولون آزسين Yaltaq şair yolun azsın
تكجه فارسى غزل يازسين! Təkcə Farsı qəzəl yazsın
بالدان شیرین توركو دیلیم
دالغالاندیریر منیم سئلیم
هیمته قوربان من اولوم.
آسلان كیمی نعره چكه ن
نامردلرین قدین بوكه ن
بابك كیمین رهبر سئچه ن
جراته قوربان من اولوم.
قوی دئییم بیر بابك`یمدن
اؤز یوردومون ار تكیندن
دوشمنلری قیر كؤكوندن
میللته قوربان من اولوم.
جاوانلارین غئیرتی وار
قوجالارین حؤرمتی وار
گئچمیش ائلین عیزتی وار
عیزته قوربان من اولوم.
ساوالان تك داغلاریمیز
چیچكلیدیر باغلاریمیز
كوراوغلوموز٬ نیگاریمیز
قامته قوربان من اولوم.
ایگیدلرین ساغدان سولا
جان وئره ریك بیز بو یولدا
قدرته قوربان من اولوم.
یورولماسین ائللریمیز
هئچ سولماسین گوللریمیز
لال اولماسین دیللریمیز
نییته قوربان من اولوم.
دومان داغلار باشیندادیر
بوزقوردلاریم یانیندادیر
خوش گونلریم یاخیندادیر
شؤوكته قوربان من اولوم
هارداسان آخر بورا گل ، جان سنه قورباندی آنا
... سن اُو زامان هی دارییاردین باشیمی ایندی ولی
بیر چک الین ساچلاریما گؤر نه پریشان دی آنا
سعی ائدیرم گؤرمه سین هئچ کس گؤزومون یاشلارینی
نینییم اُولمور بولونور گؤزلریم گریان دی آنا
دوز اُو زامان دان کی سنی آلدی الیم دن بو جاهان
هر گونومون تک جه ایشی ناله و افغان دی آنا
آیریلیقین دا بو کونول اُوت توتوب آخر یانیری
بیر منی آل سن قوجاغان کی منه درمان دی آنا
چوخلی سنی من سئویرم بسدی داحا هئچ دئمیرم
گؤر نه سن آخر کی یئرین جنت و ریضوان دی آنا
| Design By : RoozGozar.com |
جانیمدان عزیزدیر توپراغیم دیلیم
آل قانا بویانسام یادا ساتمارام
شرفیم وطندیر بیر آن آتمارام
آنامین قانیدیر آخان قولومدا
دؤیوشه گئده رم وطن یولوندا
قورباندیر بو خالقا بو یوردا جانیم
باشی اوجا یاشاسین آذربایجانیم
اورمو گؤلو ، آی ، گونشین باتماسین
یار،یولداشین،ائلین،سنی آتماسین
زامان بیزیم باشیمیزی قاتماسین
قوی بیزیم ده بیر آیینسین باشیمیز
خاین لرین باشلارینا داشیمیز
